في رسالة توجه بها مساء اليوم الأحد 5 سبتمبر 2021 إلى كافة الاعلاميين من أصدقائه عبر صفحات التواصل الإجتماعي قبل سويعات من عودتهم الى محطاتهم الاذاعية و “بلاتواهم” التلفزية ، أكد الدكتور رفيق بوجدارية على نقطتين.
الأولى حول نوعية ضيوف الحصص الاذاعية و التلفزية و الكف عن استدعاء أشخاص تم استهلاكهم الى حد الثمالة دون فائدة تذكر، ثم مضيفا و بكل لكف، القيام بدور تحسيسي و تثقيفي حول الكورونا و حث المواطنين على عدم العزوف لتلقي التلقيح:
“إلى أصدقائي الإعلاميين ليلة عودتهم .
🔹🔹غدوة عودة البلاطوات الإذاعية صباحا زوالا و مساءا..عودة باش تكون قويةو سخونة..قوية لأن برشا صحفيين غيروا المحطات و سخونة لأن الوضع السياسي في البلاد سخون ..
أما جيتكم بجاه ربي و برأس اللي يعز عليكم :
▪️يزينا من الوجوه المحروقة جيبو الجديد و الجديد موجود نساء و رجال في الجامعات و الجمعيات و شبكات التواصل..
▪️حاجة أخرى ردو بالكم تنساو أن الوضع الوبائي غير مستقر و مبوب باش يرتفع خاصة في ظل التسيب المستشري و أمام العزوف على التلقيح، شجعوا الناس باش تلقح و ما تصعبوش عليهم الكورونا وقوموا بدور تثقيفي صحي
في السياسة دوركم كبير و خطير في هاته الساعات الدقيقة من تاريخ تونس ..
تونس التي تتلمس طريق الإنقاذ تحت عصف رياح الشد إلى الوراء و عصف رياح بارونات الفساد و هبوب رياح الشعبوية و شح رياح التمويل .
كونوا مع تونس التي تعمل لتصلح و تونس التي تكدح لتتقدم كونوا مع تونس العدالة و تونس الكرامة الإنسانية و تونس المساواة و تونس الحرية و الديمقراطية ..كونوا مع تونس التي تقوم باكرا لتنجح .
فلتكن عودة مبروكة
مع كل الأماني بالنجاح و التوفيق.
د رفيق بوجدارية”.
شارك رأيك