“في بلاغ لحركة النهضة اليوم: “سنتخذ الاجراءات التأديبية ضد أي من قواعدنا تعمد الاساءة الى رئيس الجمهورية وعائلته”…
“الواحد شنوة ينجم يعلق؟! توة حوالي العام ونصف قواعدكم أو ذبابكم متاع الطابق الخامس يهرسلو في الراجل ونقولولكم عيب ما يجيش وانتومة مش هنا حتى ولات الاساءات بشكل علني وشبه يومي من صهر الحركة… توة فقتو بعدما طاح الفاس في الراس؟!
“اي وبخلاف قيس سعيد، بعدما تغيرت موازين القوى ووليتو اضعف منو ووخرتو ظاهريا خطوة، ميسالش الآخرين يتعمدو اساءتهم؟! ومنهم صاحب الصفحة هذي وآخرين كثر، اي واحد انتقد أو اختلف مع النهضة؟!
“وبالمناسبة نشوف البعض يتباكى من هرسلة أنصار قيس سعيد في فايسبوك وسكرو التعليق… توة فقتو بالهرسلة، والشتم والسبان تجاه أي مخالف؟! وقتلي تمسيتو؟! وعادي وقت كان يبندرلكم ذباب الطابق الخامس؟! على الاقل ما جربتوش الاستعانة بالهرسلة من الاصدقاء من بنغلاديش، وهذي تقنية استعملوها حتى ضد صفحات رسمية كيف صفحة رئاسة الجمهورية… اصلا هذا موضوع يستحق يتحل فيه ملف قضائي، التحرش والتنمر السياسي في الفايسبوك من قبل مكينة حزبية والفلوس الي تصبت فيها…
“اناهي من اغاني كلثوم تصلح في عشية الاحد: “فات الميعاد” والا “ده كان زمان”؟!
Too little, too late!”.
شارك رأيك