أثار الاستاذ المحامي و الناشط السياسي عماد بن حليمة عدة نقاط في فيديو أنزله كعادته على صفحات التواصل الاجتماعي، اليوم الاربعاء 5 ماي 2021 بخصوص مشروع قانون المحكمة الدستورية الذي تم التصويت عليه أمس الثلاثاء بأريحية ب 141 نائبا، كما انه وضع كل جهة في مكانها.
استهل كلامه بادئ ذي بدء بكلمة لسيف الدين مخلوف دون ذكر اسمه الذي توجه مباشرة الى رئيس الجمهورية و على الملأ بهذه الجملة: “جرب روحك ما تختمش قانون المحكمة الدستورية”، يعلق هنا بن حليمة: “الي ايحب ايموت من اجل المحكمة الدستورية، و ما دامكم في نشاط ارهابي، كملوا اعملو حزام قدام قصر قرطاج…
ثم يخاطب بن حليمة رئيس الجمهورية حول ختم الدستور و يقول ان له 4 ايام لذلك، الموافق مع ليلة القدر اي ليلة 27 من رمضان، فربما يختم القرآن اما القانون، لا، و “انا لا اشاطره، كان فاتو ال 4 ايام، هوكا جوهر بن مبارك يرجعلكم للانتهاضي، للختم الضمني، الي مامضاش عليه المرحوم الباجي، عملو الشاهد لاقصاء قلب تونس، و اليوم لخوانجية بفضل قلب تونس يحكمو في البلاد، لو كان جيت انا مستشار لقيس سعيد و ياخو برأيي، اما بربي يزيوها مدام عكاشة راهو الرئيس يحكم وحدو، لو ياخذ برأيي، قضية المحكمة الدستورية اصبحت لعزل الرئيس، و الغنوشي نعرفوه مثال للغدر و التنكر للناس، من قبل 2011، تنكر لصالح كركر و محمد شمام..، و قعد شادد الحركة للشرعية التمثيلية من الخارج الي اتجيبلو لفلوس ايحط فيها في بريطانيا. توة بعد 2011، بعدو عليه برشة، قعد معاه عبد الكريم الهاروني، غدر عبد الفتاح مورو و خرجو مترشح فاشل و منهزم، هو الي قالو في مدنين في الدور الاول، اليوم واضح…”،
و بالنسبة لكتلة الديمقراطية، يقول بن حليمة: ” راهم سواء الشعب و الا التيار يدعمو فيه، انتهازيا، شادين في تلابيب سعيد للانتخابات، سعيد راهو اقرب للسلفيبن من الديمقراطيين و المعركة اليوم على الزعامة من التيار المحافظ و في بلاد تتشرا فيها الرجال بالفلوس، ما ايطولوش بيه 6 أشهر وينحيوه الرئيس، و لذا انا انقول للرئيس، يختم الدستور و بعد باش اتعين 4 شخصيات تقعد حتى عام عندك الوقت، و الرئيس اينجم ايصعد في شروط التفاوض، رئيس الحكومة موش فاهم كوعو من بوعو، ب 8 وزراء!!! و شرط الرئيس هو رحيل المشسشي، لا بد من الحوار السياسي و الجدي و تلقاو الحل الوسط…، وفق قوله مؤكدا على ان البلاد اليوم في حافة الهفهوف، على وشك الافلاس…
شارك رأيك