وقع تداول ظهر اليوم السبت 12 سبتمبر 2020 شهادة الطبيبة التي رافقته لمدة ساعتين في اللحظات الاخيرة قبل ان يلفظ زميلها أنفاسه و نشرت ذلك في تدوينة كتبتها بالدارجة التونسية على صفحات التواصل الاجتماعي. و هذا ما يتداوله بكل أسف و حسرة زملاء الفقيد:
“بخصوص وفاة الطبيب سليم غرس الله بالكوفيد 19 …
هذا كلام طبيبة التدخل في الإسعاف الطبي الاستعجالي الي خرجتلو و عاينتو :
اول حاجة ربي يرحمو و يصبر عائلته .
ثاني حاجة اسهل برشا باش تعاود اللي سمعتوا اما انا شخصيا عشت مع المريض هذا (الزميل) لمدة ساعتين و نعرف حقيقة الحكاية باش منضلمو حد و نقولو par retard de prise en charge.
3 متاع الصباح..
عائلة المريض هذا اتصلت بال 190 خاطر ولدها تقلق و هو عندو syndrome grippal عندو جمعة و معملش تحليل ..
نصحوهم باش يجيبولو طبيب للدار يعدي عليه و هذاكة اللي صار ..4 متاع الصباح اتصل الطبيب اللي باشر حالتو بال 190 و قلهم راهو يستحق intervention خاطرو تاعب.
في أقل من نصف ساعة كنا بحذاه، حاولنا نمنعوه بالأدوات اللي عنا … في نفس الوقت médecin régulateur تلوجلو على بلاصة ف réa ، تتواصل مع رئيس قسم samu تونس و قومت و قعدت الوزارة على بلاصة للمريض … بعد نصف ساعة (المريض ديجا sous oxygène و تحسن شوية ) ترجعلى تقلي ملقيناش بلاصة في الصبيطارات اللي عندهم circuit covid هز مريضك للاستعجالي ودافع عليه و كان لازم عارك عليه باش يقبلوه .
هزيتو للاستعجالي اللي معندهمش circuit covid و لا أدوات حماية يقبلوه بالوقت بامر من رئيسة القسم .
قبلتو من عندي طبيبة شابة أداة الحماية الوحيدة اللي عندها bavette .
نشالله المسؤولين يتحركو و يعملوا حاجة قبل ما يفوت الفوت و الطاقم الطبي و الشبه الطبي الكل يمرض وقتها حد ما يلقى شكون يداويه”.
شارك رأيك