.
kapitalis .

صحيفة إلكترونية تونسية إخبارية جامعة.

.

“ريحة بابا” : قصيدة للشاعر الأزهر الضاوي في رثاء شهيد الوطن سامي المرابط


11 Shares

كتب الشاعر الشعبي الأزهر الضاوي قصيدة في رثاء شهيد الحرس الوطني و الوطن سامي المرابط الذي سقط في العملية الإرهابية التي جدت أول أمس الأحد 6 سبتمبر بمفترق أكودة – القنطاوي بولاية سوسة.

ما حاجتي بالورد..
وينو ” بابا “…؟؟
” بابا”.., اللي قتلو”الوَغْد”…
فْ عزّ شْبابه…
” بابا”… في يوم البرد…
كيدفّيني..!!
ويوم المطر… نلقاه…
هوّ… “سْحابة”…!!
“سَبّاطو”… عند الفجر..
كيصحّيني..
في فرْشي نزهى..
نقول..” روّح بابا”…!!

فيكُمْش حد “خْشين”… كيما “بابا”…؟؟
فيكمش حد “طْويل”… كيما”بابا”…؟؟
ب”الزّيْ”… كيف نشوفو…
يملا عيني…!!
وفي حضنو نِتِرْمَى… كيناديني…!!

“بابا”..”قَوي”… يحميك..ويحميني..
ويحمي “الوطن”… ويدافع على ترابه… !!!
وكل الجناين ورد… ماتسلّيني..
ومهما يفوح الورد… ما يُغريني…
الحاجة الوحيدة… القادرة تواسيني…
طَلْعت من “الصندوق”…

“ريحة بابا”…!!
ياناس… شمّيتوش… “ريحة بابا”…؟؟
ياناس… شمّيتوش “ريحة بابا”…؟؟

ما حاجتي بالورد”… وينو “بابا”… ؟؟؟




اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: المحتوى ملكية فكرية خاصة