نشرت الفنانة والممثلة المسرحية ليلى طوبال تدوينة على صفحتها الخاصة على شبكات التواصل الاجتماعي الفايسبوك تعليقا على عدم ادراج بطاقة عدد 3 ما يعرف ب B3 و التصريح بالممتلكات و ما يثبت خلاص الضرائب في ملفات مترشحي الرئاسية.
و فيما يلي نص تدوينة ليلى طوبال :
صباح النور
كان جات الدنيا دنيا راو موش الّي مترشّح للرئاسية يلزم يقدّم ل B3 والتصريح بالممتلكات وquittance إلّي هو مخلّص الضرائب… كارو زادة هلّي يتراقصوا ويلهثوا وقاتلين أرواحهم على كرسي في البرلمان والّي باش نتغدّدوا بيهم خمسة سنين يقدموا الوثائق هاذي وآش خص كان جاء فمّة B1 B2 B3 B12 باش نعرفوا آش كونهم الناس الّي تمثل الشعب وباش تتكلّم باسمو وشفنا المهازل على كل لون يا كريمة.
En passant
قدّاش احترمت سي محمد الناصر الّي ما ستناّش ومشى صرّح بممتلكاتو…
المواطن العادي الّي لا عندو لا مال ولا جاه كي باش يندب على أيامو يحل شركة حتى راس مالها 1000 دينار ولا يطلب كريدي والاّ حتى بطاقة احتراف متاع الفنانين الّي باش ينتجو ويعملوا فنّ يطلبوا عليهم ال B3 وأوراق ما تتوصفش ويعيف حياتو… وإيجى تفرّج نهار إلّي ينسى ما يصبّش déclaration قيمتها خمسة ألاف…
آه لا حقّة تي شبيني… أذوكم مواطنين طبّق عليهم القانون بصرامة والاخرين “أعيان البلاد” ما يجيش يا غلبة ووووه
العركة الحامية اليوم مختزلة في : مع آش كون وضدّ شكون Et chacun son
clan …
العركة اليوم ـ عالقليلة بالنسبة ليا … انا هية تونس الّي نحبّوا عليها.
التصويت لسي الباجي يرحمو كانلي كفّ كبير… نهار الّي قررّت باش ننتخبوا صدّقت كل كلمة قالها في خصوص علاقتو بالنهضة وإلّي صار وقت وصّلناه للحكم الناس الكل نعرفوه…
انا حتى شيّ وحتى حدّ وما نعتبرش روحي كيما برشه مساكن ماشي في بالهم صناع رأي هوما يتكلموا وألاف يتبعوهم… بالنسبة ليا العركة مع النهضة أمّ المعارك … وبنات وخوات وجيوان أمّ المعارك أنو ما نعيشوش مقهورين… مظلومين… محرومين مالشغل والحرية والكرامة والعدل والمواطنة الكاملة… ما نعيشوش خمّاسة… على خاطرنا سيدات وأسياد هذا الوطن .
ه.غ.
شارك رأيك