كتبت اليوم السبت 9 مارس 2019, الناشطة الحقوقية و المستشارة الاعلامية برئاسة الجمهورية سعيدة قراش في تدوينة لها على صفحتها الرسمية على الفايسبوك في ما يخص الإنتخابات التشريعية والرئاسية المقبلة رسالة إلى النساء التونسيات تدعوهن إلى عدم التصويت “لمن يرفض تمرير قانون المساواة في الميراث” في إشارة إلى الأحزاب الإسلامية والأحزاب التي لم توضح بعد موقفها على غرار حزب عبير موسي وحزب عبو.
نص التدوينة :
”
نساء بلادي، أصواتكم في الانتخابات هي التي ستدافع عن حقوقكن و كرامتكن، ما تعطيوهاش للي ما يمسحوش دمعتكم و يعفسو على كرامتكم و ما يهمهمش وجيعتكم، ما تعطيوهاش للي رافضين تمرير قانون المساواة في الارث قال شنوة موش وقتو و الا موش اولوية و الا ربي ما يحبش و حرام و الا خليه بعد الانتخابات. هذه تعلات و حسبة خاصة بيهم موش بيكم. الظلم و القهر و الوجيعة الي تعيشها برشا نساء كيف يخرجوهم بيديهم على روسهم بعد تعب و عرق صغرهم باش يبنيو دار لأهلهم و يلقاو رواحهم في الشارع عرضة للاعتداء والعنف ما يلزمش يكون محل بيعة و شرية لا باسم انتخابات و لا حتى شيء اخر. و ألي ما تحبش المساواة تنجم تتنازل على حقها اما الدولة يلزمها تضمن حق الناس الكل و خاصة حق النساء في الأمن وحمايتهم من العنف و حفظ كرامتهم. “
شارك رأيك