انتقد الجامعي عادل اللطيفي ، في تدوينة على صفحته الرسمية على الفايسبوك كيفية تعاطي اليساريين مع الجدل القائم حول تقرير لجنة الحريات الفردية والمساواة.
وقال اللطيفي في التدوينة : ”في المحافظة اليسراوية البعض من اليسراويين اللي عندهم حساسية لتقرير لجنة الحريات شادين في شعرتين. اولا يقلك كيفاش تحكي على الحريات الفردية والمساوة والشعب في ميزريا والبصل غلا والماء مقصوص “والويفي ضعيف”.
من جهة ثانية يقلك طرح الموضوع توة مقصود لغايات سياسية أخرى.
الأخ الرفيق، لازمك تعرف اللي الحريات الفردية بدات تترسخ في جل البلدان العريقة في القرن 19 و 20 وقت المزيريا ضاربة اطنابها…ثم بنفس المنطق ممكن نلغوا الحريات لأكثر من مليارين نسمة لأنو وضعهم الاجتماعي هو الأساس.
لازمك تعرف كذلك أنو إلغاء الرق في أمريكا مثلا كان لأسباب اقتصادية مرتبطة بالتصنيع في الغرب الأمريكي. وأنو من بين أسباب إلغاء الرق في تونس هو تزويد الجيش التونسي النظامي بعناصر قارة…اش نعملوا توو؟ نرفضوا ها القرارات على خاطر أسبابها كانت موش بريئة؟
أقروا شوية تاريخ، ما فماش تاريخ مثالي، والأشياء تتقاس بمساهمتها في تقدم المجتمع والإنسان…هاذي هي التقدمية العقلانية…موش الشعاراتية.”
شارك رأيك