.
kapitalis .

صحيفة إلكترونية تونسية إخبارية جامعة.

.

تعقيبا على ما ورد، نقدا، على لسان الرئيس في ايحاء الى فاضل عبد الكافي، حلمي عطية، القيادي بآفاق تونس يعلق…


على اثر ما صرح به الرئيس قيس سعيد خلال لقائه بكبار القضاة، مساء الاثنين 6 ديسمبر 2021 في اشارة الى الأمين العام لحزب آفاق تونس دون ذكر اسمه، كانت أغلبية الردود تصب في خانة المساندين لفاضل عبد الكافي. و نشر حلمي عطية، العضو في المكتب التنفيذي، الثلاثاء 7 ديسمبر الجاري تدوينة على حسابه الخاص بالفايسبوك توجه من خلالها الى الرئيس و إلى الرأي العام بما يلي:

ماناش خايفين،
و على المسار العقلاني مناش حايدين

كلّ عضو في أفاق تونس ما عندو ما يخبّي، و يعمل في السياسة خدمة للوطن و الشعب،
لكن ملاحظة هامّة : اللّي قالو سيادة رئيس الجمهورية البارح ما يليقش بمقام و قيمة الموقع اللّي هو فيه، أنّك تقول و “إنت رجل قانون” على سيّد تعدّى بكلّ درجات التقاضي من الإبتدائي، للإستئناف ، للتعقيب : “خسارة خذا براءة”، فهذا عيب و ما يجيش باش ما نقولش تخلويظ و تغفيص،

  • يا سيادة الرئيس ، وينك من مئات الدوايات المقطوعة في البلاد ، حتى الدوايات الحياتيّة اللّي عمرها ما نقصت في تونس كيما ال insuline!
  • وينك من ملفّات الفساد اللّي باروناتها مازالوا يرتعوا في البلاد و يعملوا في اللّي يحبّوا

-وينك من الكونترا ، وينك من الفلوس المهرّبة ، ياخي مش قلت الّي إنت شدّيت محتكري الحديد ؟ أهوكا الجمعة هاذي زاد 14% فجأة

  • وينك يا سيادة الرئيس من ملفّ الجهاز السرّي، وينو اللّي قتل شكري بلعيد ، وينو اللّي قتل الحاج البراهمي في حيّ الغزالة نهار 25 جويلية 2013 ؟ شكون وراه ؟ و شكون خطّط للعمليّة ؟
  • يزّينا يا سيادة الرئيس من التهجّم على العباد اللّي تنجّم تقدّم بالبلاد و تبدّل حياة التوانسة نحو الأفضل ، يزّينا من التفرقة !
  • و هاذي دعوة للعقلاء و الصادقين، دعوة للوطنيّات و الوطنيّين ، دعوة للشباب في كلّ الجهات للإلتفاف حول المشاريع السياسية اللّي تنجّم توقّف إقتصاد البلاد على ساقيه، الناس الكلّ في تونس حاجتها بالأمل، حاجتها تشوف بلادها تتقدّم و الحياة تتحسّن !
    • مرحبا بيكم في أفاق تونس، بيباننا محلولة و ملتقانا في المؤتمر الثالث للحزب يومي 18 و 19 ديسمبر .




اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: المحتوى ملكية فكرية خاصة