في تدوينة نشرها الثلاثاء 19 أكتوبر 2021 على حسابه الخاص بالفايسبوك و ننقلها كاملة من تحت، عبر المسرحي حسام الساحلي عن أسفه بما يحصل في مسرح الاوبرا خاصة بعد عودة الحياة الثقافية التي وقع تجميدها طويلا بسبب عدوى فيروس كورونا:
“توا سيادتك اول ما تعينت مدير عام عملت مجهودك باش نخرج من مدينة الثقافة و خرجت بارادتي و شقيت ثنيتي على روحي وقلت ميسالش موش بالضرورة الناس الكل يحبوني … جبت لجنة باش ادقق في الماتريال اللي كنت مسؤول عليه ثماش مااطلعني سارق و شي طلعت نظيف … ثم جيت سيادتك في مرحلة اخرى تحرمني من حقي في كاشي تابع jcc 2019 و نحيتلي حقي و عرق جبيني بدعوة ماعادش نخدم معا الاوبرا و سكت قلت يلا خيرها في غيرها … و عملت المستحيل باش تبعدني من مشروع اليس لولا الاولاد شدو صحيح و قالو كيفاش حسام مخرج العمل … و تعملت اليس و نجحت اليس بشهادة الناس اللي تفرجو و الصحفيين اللي كتبو و استنينا العروض و البرمجة , جات كورونا توقفت العروض الكل … اييه يا حبيبي توا رجعت الحياة الثقافية وينهي برمجة اليس علاش تحب تقتل التجربة على الولادة … يا ممتاز مسرح الاوبرا متاع التوانسة موش ملكية خاصة … سيب المسرحية … سيب صالح… الثقافة حق للجميع.
شارك رأيك