.
kapitalis .

صحيفة إلكترونية تونسية إخبارية جامعة.

.

رسالة الى وزيرة العدل : بالله يا ليلى جفّال… هاك الوزارة طهّرْها… خِمْجت البحيري دمّرها”


ليلى جفال.

في هذا القصيد الذي نشره على صفحته الفايسبوك بعد الإعلان أمس الإثنين 11 أكتوبر 2021 عن تركيبة الحكومة الجديدة برئاسة نجلاء بودن شاعر قفصة الكبير يطلب من وزيرة العدل الجديدة القاضية ليلى جفال تطهير منظومة القضاء من زبانية حركة النهضة و نور الدين البحيري…

شعر لزهر الضاوي

بالله يا ليلى جفّال..

بجاه “النجمة والهلال”…

هاك الوزارة طهّرْها…

ونحبّو بْزايد “جافال”؟!!

خِمْجت… البحيري دمّرها…

وصارت مرتع للأنذال…

نِتْنت… من فضلك عطّرْها…

واقطع ريحة الهمّال…

والعدالة طاح قدَرْها…

والسايل ولى مُسال…

وغاب الشهيد على نْظَرْها…

وصار مُباح الاغتيال…

ناس الْ باعت ضمايرها…

باش ترضي “الشيخ الدجّال”…

منهم يا “ليلى” حرّرها…

وما تخلّي كان “الرّجّال”…

ونجّرْهم منها نجّرْها…

ان شالله حتى ب”الشّنقال”؟!!

طهّرهم منها … طهّرها…

ونحبو بْزايد “جافال”؟!!

بالله يا ليلى جفال؟؟؟




اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: المحتوى ملكية فكرية خاصة