الرئيسية » إلى مستقيلي حركة النهضة : “عيب عليكم تستقيلوا !”

إلى مستقيلي حركة النهضة : “عيب عليكم تستقيلوا !”

هذا القصيد باللغة الدارجة التونسية لشاعر قفصة الشعبي الكبير مسوحى من خبر تواتر الاستقالات الجماعية للقيادات الوطنية و الجهوية و المحلية لحركة التهضة الإسلامية احتجاجا على التصرفات الفردية لرئيسها المفدى الجهادي الأكبر راشد الغنوشي.

بقلم لزهر الضاوي

قلتوا امّالا ..” تستقيلوا”..؟؟

ويمشي “راشد”..ويجي “ديلو”..؟؟

احنا امّالا رانا اقسمنا..

ليكم ماعدناش نميلو..!!

ومن قصّتكم رانا فهمنا..

قصّة “الكلب مع ذيلو”..؟!!

زايد باش تزيد تخدعني..

وفي ورطة جديدة توقّعني..

وهذا كلامي كان تسمعني..

“اخواني”…….يصعب تبديلو..!!”

اخواني”..اللي يبيع”اوطانو”..

يسلّم فيها ل”آردوغانو”..

ويستنجد ب”امْريكانو”..

مستحيل.. نرجع نمشيلو..!!!

و”قُصّ وتكّي”.. ” قُصّ وتكّي”..

من “جميلة” حتى “المكي”..

توّة هاك صرتي تتشكّي..

من سي “الشيخ” وأفاعيلو.. ؟؟!!

توّة فقتوا بينا نعانو..؟؟

وتبكوا على رجالنا اللي هانوا..؟؟

و”الوطن”..تعلّا شانو..؟؟!

والخاين….. صار يغنيلو..؟؟!!..

ملّخّر هيا نفُضّوها..

وها العقدة خلّي نحلّوها..

وحْقيقتكم ما تخبّوها..

وعيب عليكم “تستقيلوا”..

عييييب عليكم…”تستقيلوا”..؟؟!!

(قفصة2021/09/25)

شارك رأيك

Your email address will not be published.

error: لا يمكن نسخ هذا المحتوى.