القصيد التالي لشاعر قفصة الشهير مستوحى كالعادة من أحداث الساعة في تونس وهو يتحدث عن المرض العضال الأول في تونس وهو الفساد الشائع في كل قطاعات المجتمع و الدولة و الذي لم يسلم منه حتى القضاء الذي يجد صعوبة في إصلاح نفسه و تنظيف صفوفه من الفاسدين واستعادة ثقة المواطنين المفقودة تماما.
بقلم لزهر الضاوي
شِدْ… شِدْ… شِدْ… شِدْ…
شِدْ.. شِدْ.. شِدْ…
شد معايا “سارق”… شد…ذ
ماللي خلقنا.. نجرو وراه…
وديمة مانع… مايتشد…
“نغنّي” على سراق بلادي…
في المهنة… “ابًا عن جد”…
اللي ليهم بات “البنكاجي”…
طول الليل وهو يعد…
مليارات ومليارات… باليورو والدولارات…
تخرج م البنك “قروضات”…
عشيةسبت… نهار احد”…
يحوزوا بيها عقارات…
يبنوا بيها عمارات…
يشروا أفخم سيارات…
وتمشي تِغْبرْ للأبد…
وزيدوها “فلوس التهريب”…
يوصّلهالك “قاضي حْبيب”…
ويتلاقى “السارح”و”الذيب”…
في “صفقة” ماراها حد…
وكالعادة “العدالة” تغيب…
وقت يقولوا “البحث يجيب”…
وتكثر فيها الألاعيب…
ومن غدوة يسيب اللي تشَد…
وفي دولتنا التونسية…
مَا أشْوِم عمرك ها”ساسيّة”…
تتهنّى من “طرابلسية”…
يبانوا ليك أخرين… جدُد…
شد… شد… شد…
شد.. شد.. شد…
شد… شد معايا “سارق”… شد…
(قفصة2021/08/11)
شارك رأيك