الرئيسية » بعد اعتذار بوبكر من مستمعي ميدي شو، هيثم يعقب: “نهارة اللي قراو درس التسامح انا غايب ودوبلت في الماتيار”

بعد اعتذار بوبكر من مستمعي ميدي شو، هيثم يعقب: “نهارة اللي قراو درس التسامح انا غايب ودوبلت في الماتيار”

في ميدي شو على موزاييك اف ام بتاريخ 12 ماي 2021، كانت الفقرة ساخنة على المباشر و شبه كلاش او فعلا كلاش انتهى بانسحاب هيثم المكي… انصاره انتصروا له و نقدوا بوبكر بن عكاشة.

بن عكاشة نشر تنويها جاء فيه:
“تنويه صغير: اللي صار اليوم في ميدي شو بيني و هيثم لا علاقة له إطلاقا بمضمون كلامه و تحليله بل و أشاطره الرأي فيه. خلاف و تشنجت بسبب ردة فعله بعد أن طلبت احترام الوقت . أعتذر مجددا لمستمعي ميدي شو .
نقطة”.

و جاء رد هيثم المكي سريعا:

“يعيشكم لولاد و البنات، ربي يفضلكم، إن شاء الله عيدكم مبروك، و كل عام و انتوما بخير.

و الله ممتن جدا لثقتكم و دعمكم البارح و اليوم و إن شاء الله غدوة، و نحاول قدر الإمكان ما نخيبش ظنكم، و ما نخبي عليكم شيء. أما ما عندي ما نزيدكم فيما يخص اللي صار اليوم، اللي فمة سمعتوه و تفرجتوا فيه، لا فمة لا خلفيات لا كواليس، و كان نحب نحافظ على حد أدنى من المهنية، و إحترام قواعد الزمالة و العقد الأخلاقي اللي يربطني بالمؤسسة، الحالات المماثلة ما نتعامل معاها كان في داخل المؤسسة، بدون فرقعات و صبيانيات.

و زيد غدوة عيد، و البارح ذكرى رحيل المغفور له الشيخ مارلي، و دجا راستافاراي علمنا الرزانة و التسامح*، و الترفع عن صراعات بابيلون و شهواتها.

عيدكم مبروك مرة أخرى، و ربي يفضل لكم العزاز عليكم، نتقابلو نهار الإثنين. و بربي نحاولو نعبرو باحترام.

سلام.

  • أما نهارة اللي قراو درس التسامح أنا غايب، و دوبلت فيها الماتيار”.

شارك رأيك

Your email address will not be published.

error: لا يمكن نسخ هذا المحتوى.