الرئيسية » الدكتور سهيل العلويني محذرا من عدوى الكورونا: الوضع يتطلب وعي الجميع، الأمور بدأت تأخذ منحى غير مطمئن (وثيقة)

الدكتور سهيل العلويني محذرا من عدوى الكورونا: الوضع يتطلب وعي الجميع، الأمور بدأت تأخذ منحى غير مطمئن (وثيقة)

أمام تطور عدوى فيروس كورونا في البلاد و أمام عدد الاصابات و الوفايات المتصاعد يوما بعد يوم و في تأخر اللقاحات و الانهاك و الإحباط للجيش الابيض، نطق الدكتور سهيل العلويني مستشار المنظمة العالمية للصحة الذي يتسم في عادته بالهدوء و عدم التهويل و الترويع، و نشر تدوينة فجر الجمعة 8 ديسمبر 2021 على حسابه الخاص متوجها من خلالها للرأي العام و يقول فيها ما يلي:

“بالله ردو بالكم على رواحكم وعلى عزازكم و الناس الكل تعرف كيفاش من غير تكرير و تكعرير و الصورة التحت حفظناها الكل ، الوضع يتطلب وعي الجميع، الامور بدات تأخذ منحى غير مطمن و عدد الوفيات الله يرحمهم و يصبر اهلهم اكبر دليل على هذا و الجيش الابيض وصل الى حد الانهاك و الاحباط امام هذا الاستهتار العام و مازال يقاوم لانه جبل على هذا.

بالله عاونونا على توعية الجميع. حتى بكلمة صغيرة على صفحتكم ، كلمة و نصيحة للعائلة و الاصحاب ، كلما ما التزم الجميع كل ما تقل العدوى ، راهي الروح عزيزة و كل واحد يتوفي من الكورونا هي وجيعة لينا الكل و صدقوني اذا كلنا حطينا قلبنا في التوعية، النتيجة تكون سريعة و تفرحنا الكل.

هذا الاصل و بلاد كيما سنغافورة ما نجحت في السيطرة على الجائحة الا بالوعى و الالتزام الجماعي رغم انهم غير متجانسين. من صينيين ، هنود ، ماليزيين و اوروبيين .

انا باقي مؤمن اننا نجمو نغلبو الفيروس بإرادتنا الجماعية بغض النظر على الاجراءات الاخرى الي من واجب الدولة ان تأخذها كالتعجيل في اللقاحً و توفير اكثر عدد ممكن من الاسرة بالمستشفيات وًتحفيز و تشجيع الكادر الصحي .

وهذا و الرأي يبقى رأيكم” #Covid19tn

شارك رأيك

Your email address will not be published.

error: لا يمكن نسخ هذا المحتوى.