الشاعر الشعبي لزهر الضاوي يبعث بهذه “الرسالة الى القضاء التونسي”… من وحي إعادة “توقيف” السيد نبيل القروي رئيس حزب قلب تونس و صاحب قناة نسمة على خلفية قضايا فساد و تهرب ضريبي و تبييض أموال…
قصيد لزهر الضاوي *
“نحبّو نعَلّوك… نعَلّوك”…
“نحبّو نوَطّوك…نوَطّوك”…
نردّوك “زَعيمْنا المُفَدّى”…
وِلّا… في الحبس نْدكّوك!
يا “قاضي” أمرك حيّرني…
“مبروك “الصحوة”.., مبروك…
وموش “بلبل” بركة اللي قهرني…
وافهم قصدي… “يرحم بوك”…
اليوم تْشِد… وغدوة تبرّي…
وهاذي صنعة “سايس خوك”…
ومَلّينا من “لعْب الذّرّي”…
وتصفيق “جْناح السردوك”…
صَفي “القَضاءِ” المْهَرّي…
واكشف ع”الجهاز السري”…
وكل مغطّي يبات مْعرّي…
ساعتها نولّو “نعِزّوك…
وفوق روسنا رانا نحطوك…
واش تطلب… أحنا “نزيدوك”…
* شاعر من قفصة.
شارك رأيك