اللحظة تلهم شاعرنا لزهر الضاوي ليرسم بحرفه فصلا من تاريخ تونس و يسجل… هذه الكلمات:
يا " سْحاب " الْ بلْ " الكامور".. بجاه الموْلى..رُش غلينا..؟؟ في "قفصة" وفي " كاف الدّور".. و" ام العْرايس" لَحْزينة.. وقول لْ "سي منصف عاشور".. يلِم " الوفد"..وغدوة يجينا.. "شعب المناجم"..مقهور.. وحتى احْنا..عنّا " أهالينا"..؟!! ..يجيب "الوفد" يطل حْذانا.. حتى احْنا راو عنا " فانا"..؟!! ونتحَدّو جْميع " الطّ.ّ..انة".. ولا عاد " تران" لا "ماشينة"..!!! ..يجينا.. وما يمشي ل "فريانة".. و" حاسي لفريض"..و"فوسانة".. و"مكثر"..لي ولّت " جبّانة".. وكل من هو " حافي سكّينة".. ..ويبعد ع"الكاف" و"سليانة".. و"نفزة" و"جندوبة" و"فرنانة".. و"الحنشة"..وحتى "جبنيانة".. هاذوكا الكلّة.......خاطينا..؟؟!! ..وفي عهد "الشيخ" وأقرانه.. منكوب ..الْ ما عندو "فانا"..؟؟!! يموت..وما يهزوا ميسانه.. ويتعفّس تحت "الكورينا"..؟؟!! وكان عاش....غْريب في "أوْطانه"؟!! مبحوح..ومقطوع لسانه.. " احليل اللي ما عندو "فانا".. في "الولايات المسكينة"..؟!!! ..وعندك "فانا"..تسْوى "فانا".. هكّة " المشّيشي" قرّانا..؟!! واذا ما عندكشي "فانا".. عمرك ما تولّي ...." أهالينا"...؟!!! ...يا "سحاب "الْ بَلْ "الكامور"..؟؟؟؟"
شارك رأيك