بعد متابعته مساء اليوم الجمعة 16 أكتوبر 2020 لاخبار الثامنة على الوطنية الأولى، نشر حاتم المصمودي أستاذ في علم المناعة و رئيس سابق للجمعية التونسية لعلم المناعة تدوينة على صفحته الفايسبوكية فيها اكثر من اللوم، اللوم على القناة التي لا تتحرى في صفة ضيوفها و اللوم على زميله الذي نصب نفسه اخصائيا في علم المناعة وغالط الملايين من المشاهدين في ساعة الذروة. .
“سامحوني باش نتكلم توا باسمي كاستاذ في علم المناعة وبصفتي رئيس سابق للجمعية التونسية لعلم المناعة. اللي صار الليلة في اخبار الثمانية علي القناة الوطنية ماهوش معقول، ومفروض يكون ثم حد أدني من التدقيق والتحري من طرف تلفزيون الوطنية في اختيار المختص اللي باش يجاوب حسب السؤال المطروح !
الليلة، زميلنا الاستاذ حبيب غديرة نصب روحو أخصائي في علم المناعة وقال بكل ثقة للملاين التوانسة اللي يتفرجو انو الكورونا فيروس الجديد ما يعطيش مناعة للناس اللي تمرض بيه وتبرى وبرشا حاجات اخرى!!!
نحب نعلم التلفزة الوطنية والقنوات الاخرين انو في تونس عندنا جمعية علمية اسمها ” الجمعية التونسية لعلم المناعة” موقع الباب:
الجمعية هذي اللي تحتفل السنة بعيد ميلادها العشرين تضم كل الاساتذة، الباحثين والطلبة التوانسة في علم المناعة من كليات الطب، العلوم، الصيدلة، و كل المعاهد و مراكز البحوث في تونس وخارجها. الجمعية موجودة وتنشط وعندها مكتب مسير bureau directeur القائمة موجودة علي موقع الواب، الرئيسة الحالية الاستاذة بكلية العلوم بتونس امال القايد بن عمار، الرئيسة السابقة الأستاذة بكلية الطب بتونس و رئيسة مخبر علم المناعة بمستشفى شارل نيكول يسر لخوة قرجي.
ولذا بربي نداء لصحافيي ومسيري التلفزة الوطنية والقنوات الخاصة الكل، وقت عندكم موضوع يخص علم المناعة، اتجهوا للجمعية التونسية لعلم المناعة !”.
شارك رأيك