الرئيسية » ملف البلاستيك: العياري لشقرون، تفطنت بصعوبة إلى ردكم وسط هجمات أنصار الحزب إلى مكرديلهم المقر، و نلتقي في المحكمة

ملف البلاستيك: العياري لشقرون، تفطنت بصعوبة إلى ردكم وسط هجمات أنصار الحزب إلى مكرديلهم المقر، و نلتقي في المحكمة

في رده مساء اليوم الثلاثاء 18 أوت على رجل الأعمال نصر علي شقرون حول مسألة إعادة استعمال البلاستيك قال ياسين العياري النائب عن امل و عمل في تدوينته الفايسبوكية، كلاما خطيرا و تحدث عن حجم المغالطات و عن البيئة و عن تضارب المصالح و عن الوزراء و عن المساعدة للسياسيين “لوجه الله”…

و هذه رسالته موثقة:

“وصلني ردكم، تفطنت إليه بصعوبة، وسط هجمات لا تحصى و لا تعد من قبل أنصار الحزب الي مكرديلهم المقر.

موش بش نطول عليك، و سأعقب على “مغالطاتك”

– بيو بلاستيك، ما يدخلش في صناعة شكاير السيمان بلا بلا بلا.. ريق فارغ!

قلي علاش؟

كيف ندخل للسجل الوطني للمؤسسات، و نشوف النشاط المسجل للشركة متاعك، نلقى كان البيو بلاستيك؟

لا حبيبي، نلقاك عندك الحق باش تصنع كل أنواع اللف و التعليب، القابل للتحلل و الغير قابل للتحلل.

يعني توة تصنع كان في البيو بلاستيك، لا شيء يمنعك من صنع شكاير السيمان، ما كنتش تصنع فيهم فقط لأن ذلك كان ممنوع قبل أن تصدر حكومة القوية العادلة، ضد رأي وزارة البيئة، الأمر الحكومي السيء الذكر.

ال fiche entreprise هاني في التصاور، تنجم تثبت.

– صالح بن يوسف ما عندوش مصالح في biopack

بالحق؟ أنا مصدقك راهو! الي يعطي لحزب مقر عام منغير ما يخلص، ما ينجم كان يصطاد لربي! و ثقة.

هاو وريقتين، وحدة من الرائد الرسمي التونسي، فيها الإعلان على تأسيس biopack.

شكون من المساهمين؟ ثبت تره! هاني هبطت نسخة.

3s sicar
يعني 3s sicar تملك في بيوباك.

تره شوف كيف نهبطو الستاتو متع 3s sicar

شكون نلقاو مصحح؟ شكون؟ زعمة شكون!

سي صالح بن يوسف و حرمه.

نذكرك بالقانون عدد 46 لسنة 2018 يعتبر مصالح قرينك، مصالحك.

هانو هبطلك آخر تحديث موجود ديما على السجل الوطني للمؤسسات.

يعني صالح بن يوسف عنده مصالح هو و مرته فين؟ فين؟ في biopack، عليك نور! biopack الي اش تصنع؟ البلاستيك! و هو كذلك

قلتلنا هو عنده سهم على 2000 .. باهي و حرمه 🙂 ؟

الوزير بعضمة لسانه الصباح في الراديو قال عنده أسهم و باعها، لا بش يبيعها :)، لا لا ما باعش، صعيب بيعانها 🙂 نصدقوك إنت و إلا شريكك تو؟

– سي شقرون، ذهاب الناس للقضاء عمل نبيل و متحضر، نحييك عليك.

و نأكدلك و ألتزم قدام التوانسة، أني لن أتمسك بالحصانة، و إني بش نربح و بش نشكي بيك إدعاء بالباطل، و نطلب تعويض، يساوي قيمة الي تساله لحزب صديق، نخلصهم من الدين متاعهم، رغم انهم من الصباح، و رغم إنه أسئلتي مشروعة و صلب خدمتي، طاحوا إلى مستويات متدنية جدا.

أعتقد هذا يجيب على “إجابتك” و على عكسك، كيما قاعد ترى، كل كلمة نقولها، وراها وثيقة من مؤسسات الدولة التونسية.

الحق ما نعرفكش، و ما عندي حتى مشكلة شخصية معاك لا مع الحزب الي تكرديله، مشكلتي الحقيقية هي تونس الخضراء الي يحبوا يلوثوها ب 150 مليون صاك بلاستيك في العام.

لكن بما إنك طلعت تعاون (لوجه الله) في الأحزاب، و عندك تأثير سياسي إذا، فإسمحلي نعلمك، انه تقارب هيكزابايت و غلوبالنات مثلا موضوع يستحق الدرس، و يستحق نشوفوا مع مجلس المنافسة و هل هناك ضرر للمستهلك، و هذا فقط كبداية، خاطر ما نعرش كان قالولك الكراية متع محلك، أنا نائب شعب، و هذا عمل، نائب الشعب : حماية مصالح التوانسة.

نلتقي في المحكمة.

مع خالص مودة أمل و عمل، فريق نزع الريش.

#تونس_خضراء_رغما_عنكم
#لا_للبلاستيك
#الفصل_45_من_الدستور
#قوية_عادلة_ملوثة_و_مكماكة
#أمل_و_عمل
#ما_ينفع_الناس

شارك رأيك

Your email address will not be published.

error: لا يمكن نسخ هذا المحتوى.