الشاعر الشعبي التونسي الأزهر الضاوي كتب هذا القصيد بعنوات “أحنا ف قمة السعادة” ردا على الحملة الخليجية بالافتاء بعدم “عروبة” شمال افريقيا.
أحنا فْ قمّة السعادة…
أحنا فْ قمّة الطرب..!!
كي “عْرب الخَليج” نَكْرونا..
وقالولْنا “ماكمش عْرَبْ”..؟!
..بربي واش ربحنا منكم ..؟؟
كان ” الشَقاء والتعب”..
“بول البعير.. والكورونا”..
والجهل و”قلة الأدب”..!!
..وفْلسطين.. ماكم بعتوها..
مْعَ “يوسف”.. طاحت في الجُب..
“سوريا”.. “العراق”.. دمّرتوها..
لا بقت لا دْيار ولا عْتب..؟!!
قيلونا.. إمشوا فكّونا..؟؟
يا “اهل الحَسب والنسب “..؟!!
خوذوا “العُروبة” وحُكّوها..
وزيدوها .. “الملح” مع “الشّبْ”..؟!!
وبْلا بيكم.. مَلّا راحة..”
“العْفَرّتْ.. والقْلَبْ”..!!
وجمجمة “الكاهنة” ردّوها..؟؟
قتلتوها من غير سبب..
.. واذا فلسطين نحبّوها..
موش عْلى خاطرنا “عرب”..
.. واذا أنتم هوما “العُروبة..”
بطّلنا.. “ماناش عرب”..!!!
..واحنا ف قمة السعادة..!!
شارك رأيك