هذا اللقاء في جار الضيافة بقرطاج الذي دام أمس حوالي 4 ساعات حيث استمع الياس الفخفاخ ل15 شاب و شابة من مواقع مختلفة أثار جدلا كبيرا على صفحات التواصل الإجتماعي رغم ان رئاسة الحكومة كانت واضحة في بلاغها اليوم. و علقت عليه الممثلة سوسن معالج على صفحتها الرسمية بالفايسبوك، بإيجابية و لها الحجج الكافية للاقناع.
الإنستقراموز و الأنفليوسوز في الدول المتقدمة إقتصاديا و قوية قانونيا، توا سنوات مالي ولات مهن قائمة بذاتها عندها قوانين تنضمها و سجلات تجارية و يدفعو في الضرائب و يعملو في ارقام خيالية في سوق الديجيتال ما يعملهمش باش وزير ولا مختص ولا تكنوكراط ولا economist ولا محلل اقتصادي من وجوه الكفتة الي تعاقبو علينا مالثورة لهنا .
ما فهمتش الجدل القائم ؟
انتوما ع المستوى الثقافي يعني ؟
وراسكم الي عرفتهم الكل بشهايدهم الجامعية :
منال عمارة la diva du digital ، ديبلوم تجارة دولية
و قارية في أوروبا، رايا بوعلاق إمرأة أعمال و صاحبة مؤسسة اقتصادية تنتج وتصدر للخارج ، خولة سليماني قارية تجارة دولية و منتجة ، ريم البنا مهندسة ديكور و ممثلة ، هذوما الي نعرفهم مني ليهم .
الحقيقة ما ريتش الشهايد بعينيا أما ريت الأرقام و ريت الخدمة الي وراء التصاور و اللايكات ،
و الإقتصاد أرقام حبينا ولا كرهنا .
باهي مستواهن أوضع مالي كتبو دستور البلاد ؟!
باهي هات نقارنوهن بمستوى البعض من نواب الشعب الي انتخبتوهم؟ في عقلكم خممو وجاوبو رواحكم.
ولا بالك احنا في دولة رئيسها متخرج من هارفارد و رئيس حكومتها عامل جامعة كامبريدج ؟
حتى انا كنت جاهلة في وقت ما ، فيبالي الأنفليونسوز أنستقراموز مهن تختصر في شوية تصاور و تاغات في المطاعم و السهريات ، حتى لين الحكومة الأمريكية ناداتلهن بعد ما فهمت حجم المعاملات المالية و المرابيح ، و عملتلهن قوانين و اليوم هاوكم مهن قايمة بذاتها يدورو في عجلة الإقتصاد و يخلصو في الضرائب للدولة و الناس الكل رابحة.
علاش أحنا هكة زعمة ؟! التخلّف و الركشة و زيدهم الغزّول على الآخر الي ينتج علاش ؟!
علاش الجديد نحاربوه و نطلعو فيه العلل الكل ؟!
أكثر مجال تضرّ مالديجيتال هوما القطاع السمعي البصري و أكثر ناس جاو فاص آ فاص مع منافسة الانستقرام هوما الممثلين ، لذا نتفهم الأسى و الاسف لدى البعض، أما سامحوني مانجمش لا نلوم الديجيتال ولا الي يخدمو فيه ، هوما صحة ليهم فاقو بكرينو جديد و يدخل الفلوس و يخدمو صباحا مساءا ربي يزيدهم.
و أحنا هانا نستناو في 450د إعانة مالدولة ( ما يجيوش سوم فردة من صبابط منال ربي يزيدها )
و نستناو في قانون ينظم المهن الفنية .
الهنا المشكل في بلاد الكنترة و السرقة واللاعمل واللابرنامج واللاقانون ولا المشكل في الانستقراموز ؟!
خممو في عقلكم تره !
#الفجوة_الرقمية_في_جربوعستان”.
– لقاء تشاوري
و جاء في بيان رئاسة الحكومة ما يلي:
“رئيس الحكومة يشرف على لقاء مع مجموعة من الشباب في اطار السياسة التشاورية للحكومة
أشرف رئيس الحكومة إلياس الفخفاخ مساء يوم الجمعة 05 جوان 2020 بدار الضيافة بقرطاج على لقاء مع عدد من ممثلي منظمات المجتمع المدني الشبابية وعدد من الشباب الناشط في مجالات مختلفة كالإدارة والطب والهندسة وتطوير التطبيقات والألعاب الالكترونية والتدوين على شبكات التواصل الاجتماعي.
وأكد رئيس الحكومة أنه يسعى من خلال هذا اللقاء إلى الاستماع والتفاعل مع مقترحات الشباب في شتى المجالات وخاصة رؤيته لتونس ما بعد الثورة وتبادل الأفكار والٱراء حول كيفية الاستفادة من طاقاته والحلول التي يقترحها لمشاكل الشباب الحارقة كالانقطاع المبكر عن الدراسة وملائمة سوق الشغل للتكوين الذي تتلقاه هذه الفئة.
كما أشار رئيس الحكومة إلى أهمية هذا اللقاء مع الشباب التونسي في دعم المجهود المبذول في مجال الرقمنة والبناء على ما تم تسجيله من نقاط ايجابية خلال أزمة الكورونا وكسب تحدي التحكم في انتشار الوباء عبر مبادرات رقمية من ابتكار الشباب انخرطت فيها الإدارة ومكنت من اختصار عديد البرامج والمخططات التي كانت ستمتد لسنوات في مجال الرقمنة وتحديث الإدارة.
وأبرز رئيس الحكومة الدور الأساسي والمحوري لفئة الشباب في مرحلة ما بعد أزمة الكورونا عبر إثراء النقاش وتقديم تصورات حول مسائل حارقة كخطة الانعاش الاقتصادي والمساهمة في وضع المخطط الخماسي 2020-2025 وتغيير المنوال التنموي وارساء اللامركزية والحوكمة الرشيدة”.
– قائمة الحاضرين في اجتماع دار ضيافة :
*مروى عمري بطلة افريقية في المصارعة وصاحبة ميدالية اولمبية في المصارعة في ريو 2016
*صدام الجبالي خبير تنمية دولية. متحصل على ماجيستار في السياسات العامة في ألمانيا
*بلقيس كسوري youtubeuse
*رمزي العمري طبيب في الصندوق الوطني التامين على المرض و رئيس نوادي سينما
*رايابوعلاق instagrameuse
* محمد امين الدريدي خبير في تعليم و دمج أصحاب الاحتياجات الخصوصية
*محمد علي ميداني صاحب شركة ناشئة في تطوير ألعاب الفيديو
*سيف الدين بن حمودة : باعث مشاريع وشركات ناشئة في virtual reality
* عادل ظاهري، خبير عند المجلس الثقافي البريطاني و متحصل على ماجيستار في الحوكمة، التنمية و السياسات العامة من جامعة Sussex في بريطانيا
* هيفاء السديري صاحب مؤسسة ناشئة في مرافقة باعثي مشاريع واختيرت ضمن أفضل 100 امراة مؤثرة في العالم حسب bbc
*لبنى السعيدي ناشطة وخبيرة في مجال الاقتصاد الاجتماعي التضامني
* سيف الدين الجلاصي : مبدع و ناشط في مجال الثقافة البديلة
*نضال عطية خبير ومدير برامج تشتغل على المحيط و البيئة في تونس والشرق الاوسط
*انور الزياني باحث في القانون العام وناشط حقوقي في مجال الحريات والاقليات في تونس
*وسيم بالعربي صحفي.
شارك رأيك