في تدوينة نشرتها مساء اليوم الإثنين 30 مارس 2020 و استهلتها بقولة للعلامة ابن خلدون، اعلنت الفة التراس عضو بالبرلمان التونسي ان لها برنامج للتكفل بالعائلات المتضررة من وباء الكورونا ببنزرت، مسقط رأسها و ان شحنة مستلزمات طبية حيوية بقيمة مليارين ستصل تونس خلال الاسبوع القادم.
و هذا ما دونته الناءب المستقلة عن بنزرت.
“”يقول مؤسس علم الإجتماع عبد الرحمان ابن خلدون : “الناس في السكينة سواء، فإن جاءت المحن تباينوا”
أكيد اليوم في تونس نعيشوا محنة و أزمة ما شُفناش كيفها قبلبش نتجاوزوا المحنة هاذي بأخفّ الأضرار يلزم الكلّنا نحطّوا اليد في اليد و نستخلصوا العبر و الدروس بش نخرجوا من الأزمة هاذي أقوى من قبل.
من جهتي فمّا شُحنة متاع مستلزمات طبية حيوية بقيمة 2 مليار كهبة مضاعفة في ثنيتها لتونس خلال الأسبوع و محضّرة زادا برنامج للتكفّل بعائلات تضرّرت من الأزمة هاذي في بنزرت و بش نبدا في تطبيقوا خلال الأسبوع إن شاء الله و هاذي ماهيش مزيّة لكن إمتنان لبلادي و واجب.
مبادرتي نحبّها تكون مكمّلة لمجهودات الدولة موش معوضة ليها، و لهذا نُطلب من وزارة الشؤون الإجتماعية يبجلوا العائلات إلّي تضرّرت مباشرة من الأزمة الحالية و يلزم الدولة تكون واعية إلّي أحنا في حالة حرب تتطلّب إجراء ات صارمة و فورية.
نداء زادا للحكومة حول ضمان توزيع الموادّ الأساسية و خصوصا السميد.
فوق من هذا نطلب من الحكومة يعطيونا جدول زمني و رؤية مستقبلية، حتى لوقتاش بش يتواصل الحجر و وقتاش بش تبداو في الفحوصات الطبية على نطاق واسع و شنوّا الإحتياطات من انفجار إجتماعي و صحي وشيك ؟
شارك رأيك