عدم الامتثال لاجراءات اقرتها السلطات التونسية لتطويق و الحد من تفشي كورونا فيروس و التي رفضها عائدون من الخارج تسبب في شن حملة ضدهم من طرف رواد التواصل الاجتماعي مما لفت انتباه القيادية في مشروع تونس خولة بن عائشة فدخلت على الخط:
“نشوف في برشة عباد تتهجم و تسب في التونسيين المقيمين بالخارج بعد الفيديوات لي شفناها حول امتناع العديد من العائدين من الخارج للمثول للحجر الصحي الاجباري حال وصولهم لمطار تونس قرطاج اليوم .
للتوضيح ما همش الكل تونسسين مقيمين بالخارج ، اغلبهم تونسيين مقيمين بتونس تم اجلاءهم من الدول لي كانو فيها لاسباب مختلفة و ما ينجموش يقعدو غادي ..
و كيما من واجب الدولة تروح بيهم و ما تخليهمش ملوحين من واجبهم احترام الاجراءات لحماية عائلاتهم و اولاد بلادهم ..
الي صار أمر غير مقبول و من الضروري تحسين الاجراءات و الاستعداد و اذا لزم استعمال القوة لانو مازال فمة رحلات اخرى قادمة و لا مجال لمثل هذا الانفلات لانه #خطير جدا على صحة الجميع بما في ذلك اعوان المطارات و الامنيين..
كيف كيف ما نغضوش النظر و ما نتساهلوش مع بعض العائدين منبؤر معروفة بتساهلها مع لارهابيين و قاعدة تقوم بعدة محاولات لاجلاءهم منذ مدة و لازم التثبت من الهويات و اسباب السفر و تاريخه و اتخاذ #الاجراءات الامنية اللازمة ..
أخيرا الي عندو قريبه و لا صديقو مروح لتونس في اطار عمليات الاجلاء هذي، رجاء يحكي معاه و يفهمو اهمية الحجر الصحي و مزاياه عليه و على #المجتمع “.
شارك رأيك