الرئيسية » بعد ان تم ذكر الشاهد كان يزور عرافا، محسن عيفة يطالب الحوار التونسي بتفادي تصريح اشاعات على لسانه

بعد ان تم ذكر الشاهد كان يزور عرافا، محسن عيفة يطالب الحوار التونسي بتفادي تصريح اشاعات على لسانه

في تدوينة نشرتها اليوم الاحد 20 اكتوبر الجاري، كذّب العراف محسن عيفة كل من سامي الفهري و امين قارة بعدم اقحام اسمه كذبا مؤكدا ان ما قيل في فقرة التكهنات لا يمت بصلة لما ادلى به.

و كتب محسن عيفة التدوينة التالية لرفع كل التباس راجيا من الجميع تقديم الدليل حول ما يقع التصريح والاستشهاد به على لسانه:

” صباح الخير أحبابي و متابعيني☕🥧🍰. بيان توضيحي على إثر ما وقع البارح في سهرية فكرة سامي الفهري على قناة الحوار التونسي و إلي كان موجود فيها الإعلامي أمين قارة و صار حوار بينو و بين سامي على فقرة تكهناتي إلي تكهنتها و من ضمنها قال أمين قارة إنو الفلكي محسن عيفة حكى إنو رئيس الحكومة يوسف الشاهد قاعد يزور و يتصل بعراف إلي هو آنا و غيرهم من الفنانين كيف الشاب بشير إلي مؤخرا صحيح جبدت عليه في الحصة متاع الخميس الماضي و ٱطلعت حسب البلورة إنو مش يطلق سراحه من السجن قبل العام الجديد أما راني ماقلتش إنو يزور فيا لا هو و لا يوسف الشاهد و إلي عندو فيديو أو تسجيل صوتي عليا إلي حكيت هكا يوريه للرأي العام و مرحبا و دون الأشياء هاذي أنا كمحسن عيفة فلكي أحتفظ دائما بأسرار المهنة و أسرار الناس و ثمة أخلاقيات.و زادة نشكر كل الناس إلي حكات عليا في الإذاعات و التلافز سوى بالباهي أو بالخايب أما راني ما نسامحكش في حاجة وحدة كي إنسان يحكي على لساني كلام أنا ما حكيتوش و من غير دليل حتى كان يبدا في نطاق تفدليك و الجو. فرجائي لازم نحترمو بعضنا.شكرا ليكم.أخوكم محسن عيفة.😍 “


شارك رأيك

Your email address will not be published.

error: لا يمكن نسخ هذا المحتوى.