أكد المنسق العام لحركة تحيا تونس سليم العزابي ان مئات من التوانسيين تحوّلوا اليوم لمؤتمرات الحركة و شاركوا في إختيار قيادتهم.
وهنا العزابي في تدوينة فايسبوكية من سيتحملون مسؤوليات مختلفة في هياكل الحزب في ڤبلي و توزر و تونس2 و ڤابس و باجة و بنزرت و زغوان و نابل1 و نابل2 و جندوبة و قفصة .
وفي مايلي نص التدوينة:
اليوم كتبنا مع بعضنا صفحة جديدة من الحلمة متاعنا…حلمة حلمناها مع بعضنا في اللقاءات الإستشارية والي كان شعارها واحد: تشريك القواعد في تكوين الحزب وفي تركيز الهياكل.
أحنا عنا ثقة في قواعدنا هذاكة علاه سمعناهم وحرصنا أننا نطبقو الي قرروه…واليوم أثبتو الي هوما في مستوى ثقتنا…
في وقت الي فمة ناس تعمل في المستحيل باش تكره التوانسة في السياسة، فما توانسة اختاروا يكونو في التصويرة هذي!
اليوم مئات مالتوانسة تحوّلوا لمؤتمراتنا و شاركوا في إختيار قيادتهم…ثبّتو في التصويرة تو تقراو فيها مبادئنا : الديمقراطية، التشاركية، التّعدّدية، الشفافية، النّظام، الإنضباط و إحترام نتائج الصندوق.
اليوم نحب نهنّي النّاجحين الي باش يتحملو مسؤوليات مختلفة في هياكل الحزب في ڤبلي و توزر و تونس2 و ڤابس و باجة و بنزرت و زغوان و نابل1 و نابل2 و جندوبة و قفصة و نشكر الي ماحالفهمش الحظ و تقبّلوا النتائج برحابة صدر، و نقلّهم حركتنا محتاجتكم أكثر من أي وقت آخر!
نحب زادة نشكر هيئة مراقبة الانتخابات برئاسة السيد حاتم العشي، الي بالتعاون مع عديد الممثلين عن المجتمع المدني، أمّنوا سير عملية الاقتراع، و وفّروا كل ضمانات الشفافية، و كلّ جنود الخفاء في لجنة إعداد المؤتمر برئاسة السيد كمال ايدير الي لولاهم ما كانش ممكن ننجحوا النجاح هذا!
موعدنا معاكم الأسبوع المقبل، حتّى نستكمل باقي المؤتمرات الجهوية و المحلية، و نحبّ نطمّن عشرات الآلاف من منخرطينا الي حزبنا كبير يتّسع للجميع و أنو بيكم إنتوما باش يقعد ديما كبير!
شارك رأيك