انتقد عادل اللطيفي الكاتب والباحث الاكاديمي وأستاذ تاريخ العالم العربي المعاصر من يدعي ان ثورة 11 جانفي هي التي أعادت “الخوانجية” الى تونس بعد ان ابعدهم الرئيس المخلوع بن علي .
وقال اللطيفي في تدوينة فايسبوكية :ان بن علي هو اللي عفى على المجموعة الأمنية للاتجاه الاسلامي اللي تورطت عام 1987 في التحضير لانقلاب على بورقيبة.
واضاف :”هو اللي قبل بدخول القرضاوي لتونس في 2008. صهرو صخر الماطري هو اللي بدا في اطار علاقات قطرية أسلمة البنوك وتأسيس بنك الزيتونة….هو اللي عمل اذاعة للقرآن وزاد علّا من سقف التدين الفرجوي…وما نحكيش طبعا على تشليكو للتعليم اللي هو كان رمز الدولة الوطنية في تونس..”
وفي مايلي نص التدوينة :
بربي الجماعة اللي ضد الثورة من منطق انو جابتلنا الخوانجية اللي كان بن علي مسكر عليهم اللعب، نحب نقول راهو ذاكرتنا ما هيش قصيرة…بن علي هو اللي عفى على المجموعة الأمنية للاتجاه الاسلامي اللي تورطت عام 1987 في التحضير لانقلاب على بورقيبة.
هو اللي عمل مهزلة الآذان في وسائل الإعلام العمومي. صحيح حطهم في الحبس وللأسف نكل بيهم. لكن موش على خاطر مشروعهم.
على خاطر ينافسوه في الحكم فقط. الدليل أنو بن علي ومنذ 2007 بدا يتقارب مع التخونيح: اطلاق سراح اسلاميين من السجن، عودة بعض الاسلاميين من الخارج…هو اللي قبل بدخول القرضاوي لتونس في 2008. صهرو صخر الماطري هو اللي بدا في اطار علاقات قطرية أسلمة البنوك وتأسيس بنك الزيتونة….هو اللي عمل اذاعة للقرآن وزاد علّا من سقف التدين الفرجوي…وما نحكيش طبعا على تشليكو للتعليم اللي هو كان رمز الدولة الوطنية في تونس…وحتى بعد الثورة برشا تجمعيين مشوا في أحضان النهضة عكس أغلب البورقيبيين…شوية تواضع إذن من فضلكم
شارك رأيك