نشر الباحث عادل اللطيفي تدوينة بصفحته بموقع “الفايسبوك” انتقد ضمنها قول الفنانة الشعبية زينة القصرينية بكون “صوتها عورة”.
ودعا اللطيفي، في تدوينة نشرها بصفحته بموقع الفايسبوك، الفنانة زينة القصريني الى مواصلة الغناء مع الحرص على القيام بكامل واجباتها الدينية.
إلى زينة القصرينية: تصوري أعراسنا في القصرين (وحتى في الجهات الاخرى) من غير الغناء العربي متاع أماتنا وجدياتنا. وتصوري الجحفة هازينها من غير غناء تقول عليها زنازة…وتصوري زردنا من غير غناء….حتى إذا اتّخذت، راهو في تقاليدنا وعاداتنا، إذا تحبي الأصالة، نقولوا عيب ما نقولوش عورة…
اللي قالولك راهو صوتك عورة راهم هوما اللي يشوفوا للدنيا وللدين بعيون عورة جايبينها من بلاد أخرى…تنجمي تكملي الغناء وتعطي حق الدين وتصلي وتعملي عمرة ولكن خاصة وقت تعاوني القليل والفقير والمحتاج….اعملي حفلة وعاوني بيها المحتاجين في الدشر متاعنا.
الصوت اللي يوكل جيعان، واللي يقري صغير في المكتب، عمرو ما يكون لا عيب ولا عورة لا في الدين ولا الدنيا. العورة بالحق وقت عندك قدرة توكلي بايت بلاش وتعمل روحك موش هنا… المرا هكا هي بيدها مرا حرة الحراير وحديثة بصوتها وراء الجحفة وبصلاتها…(عادل اللطيفي)
شارك رأيك