طوبال للنهضاويين : “ما تهدّدوناش …محضرّين أرواحنا للنهار إلّي تلوّحوا فيه الكرافاتات”

علقت المسرحية ليلى طوبال على البيان الاخير لحركة النهضة و المتعلق بتهديدها لمقاضاة المؤسسات الاعلامية و الصحفيين .
و في هذا الاطار نشرت ليلى طوبال تدوينة على صفحتها الرسمية الفايسبوك جاءت كالتالي :

“إلّي ينجّم يبعث لمونبليزير عصير الـ pamplemousse وما تيسّر من التيزانا وحرابش الأعصاب… يظهر فيهم الجماعة اتنرفزوا وطلعلهم الدّم وخرّجوا الخوانجيّة إلّي فيهم… إلّي هي حقيقتهم…
أحنا نشيخوا عالتهديد… جوّنا frerrrret 🙂 وبما أنّكم إنتوما تفرّجتوا علّي صار بين 17 ديسمبر و14 جانفي في تلافزكم … ما تعرفوش إلّي شعار ” لا خوف بعد اليوم” إلّي ترفع في المظاهرات وتكتب على الحيوط ما زال ساري المفعول لليوم وغدوة وبعد غدوة…
ما تهدّدوناش… الحرية تفكّت بالدم وما ناش مستعدّين نفرّطوا فيها مهما كان الثمن…
ما تهدّدوناش … شفنا خصايلكم ومحضرّين أرواحنا للنهار إلّي تلوّحوا فيه الكرافاتات والكساوي…
ما تهدّدوناش… أحنا مالكين الأسلحة الفتّاكة: حبّ البلاد والامل إلّي مهما صار باش تقعد واقفة شامخة وصامدة .”