ليلى طوبال : “مرسي الشباب الثوري… شهّيتوني في الموت…”

نشرت المسرحية ليلى طوبال تدوينة على صفحتها الرسمية الفايسبوك حول التضحية للبقاء في الوطن .

و جاءت تدوينتها كالتالي :

“انتوما ماكم تستناّو ما العزايز والثقافوت إلّي كيفي شيّ… وانا ماني نستنى منكم ولا ومن غيركم في حتى شي … أنا وحدة من برشه جعنا… جعنا صغار وجعنا كبار وما سرقناش وما هبّطناش السروال وما شراوناش… أنا جعت كيما أي زوالي يجوع وقتلّي ما يخلطش على حقّ خبزة… و عمري 13 سنة في الصيف نخدم باش انّطّر الفرنك وما نثقّلش على بابا… ولليوم نجاهد مالفجاري للليل باش نعيش بخدمتي وعرقي وراسي عالي … هالكلام هذا عمري ما حبّيت نقولوا وإلاّ نلعب عليه أما كي سقط المتاع ينعتك بالبورجوازية المتعفنّة ما انّجّم كان نجاوب ونقول التعفّن ما عندوش علاقة بالطبقة الأجتماعية … الحاجة الوحيدة الّي تتعفّن وتفرز رهوط هي المخّ … أنا الليلة أوّل مرّة في حياتي نندم عالفرص إلّي جاتني في مصر وفي اليابان وفي فرانسا وفي وفي باش نعمل حياتي ونعبّيها فلوس وشهرة… وقلت ألف مرّة لا… عركتي هوني … قدّاشني طلعت بهتوتة… مرسي الشباب الثوري… شهّيتوني في الموت…”