علق الباحث الجامعي عادل اللطيفي على كيفية معاملة حركة النهضة أعضائها منذ توليها الحكم في تونس .
و في هذا السياق نشر عادل اللطيفي تدوينة على الفايسبوك جاءت كالتالي :”
نحس بشفقة كبيرة تجاه قواعد حركة النهضة. أكثر قواعد حزبية تمرمدت بصراحة بعد الثورة….حمستهم القيادة للدفاع على الشريعة وبعد قالولهم لا الشريعة ما تجيش في الدستور. هيجوهم في الشارع في حملة أكبس وبعد رفضوا قانون تحصين الثورة.
هيجوهم على النداء و قالولهم راهو أخطر من أنصار الشريعة…وبعد قالولهم راهو حزب وطني نتوافقوا معاه….قالوهم راكم إخوان وتوة قالولهم ما عندناش علاقة بيهم. شجعوهم للجهاد في سوريا وبعد قالولهم ماهيش أرض جهاد…قالولهم راهي قطر حليفنا دافعوا عليها……وكيف حاصرتها السعودية قالولهم أحنا في تونس أش مدخلنا فيهم؟ أكثر قاعدة حزبية ديما في التسلل هي ها القاعدة هاذي ومن 7 سنين وهوما يبرروا في تحولات القيادة…
.لكن في الوقت اللي قواعد التكتل مثلا انفضت عليه وقت تحالف مع النهضة عكس مبادؤو…وفي الوقت اللي قواعد النداء خرجت على حزبها وقت خان القضية متاعهم….القاعدة الحزبية الوحيدة اللي بقات وفية للقيادة رغم انقلاباتها…….هي قواعد النهضة….فمة فرق بين علاقة سياسية تحكمها حرية الافراد وبين علاقة دينية باسم السياسة تحكمها الجماعة………”
شارك رأيك