.
kapitalis .

صحيفة إلكترونية تونسية إخبارية جامعة.

.

الأزهر الضاوي للشيخة موزا:”رضينا بالنقاب وتنقّبنا..باش انتي تقدر تزرقي عريانة”


كتب الشاعر الأزهر الضاوي قصيدة بمناسبة زيارة الشيخة موزا بنت سلطان الى تونس خلال اليومين الأخيرين.

و انتقد الضاوي في قصيدته السياسة الخارجية التونسية وتماشيها مع سياسة لدولة قطر  في إثارة الحرب في سوريا.

وفيما يلي نص القصيدة:

 

الي الشيخة موزة

أهلا وسهلا بيك يا…”سلطانة”..

ياكاملة بالزين يا…” بانانة “..!!

تونس ترحب بيك يا ” موزتنا “..

وحبك سكن القلب والمصرانة..!!

وانتي السحابة..تفرّجي كربتنا..

وتسقي السهول الشايحة العطشانة..

ومن غيرك انتي يحلها أزمتنا..

ويهدي الأمل لبلادنا الحيرانة..؟؟

..واحنا الدليل قِمناه على محبّتنا..

وأكثرش مِ الواحد يبيع أوطانه..؟!!

وتفكّري في ” الشام “..قتلنا أخوتنا..

باش ترضي انتي وتفرحي يا ” نانا “..!

ورضينا ” بالنقاب ” وتنقّبنا..

باش انتي تقدر تزرقي..عريانة..!!

..واليوم أحنا اليوم..شيء ما طلبنا..

غير زوّدي في الأجر “للطحانة”..!!

……..وأهلا وسهلا بيك يا ” بانانة

 




أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *